നെടുമ്പാശേരി: കൊച്ചി അന്താരാഷ്‌ട്ര വിമാനത്താവളത്തിൽ വിലക്ക് ലംഘിച്ച് സ്വകാര്യ ചാനൽഷോയായ ബിഗ്ബോസ് പരിപാടിയിലെ താരത്തിന് സ്വീകരണം നൽകിയ സംഭവത്തിൽ 11 പേർ കൂടി അറസ്റ്റിൽ. ഇതോടെ കേസിൽ അറസ്റ്റിലായവരുടെ എണ്ണം 13 ആയി.
ഒന്നാം പ്രതിയായ ബിഗ്ബോസ് താരം ഡോ. രജിത് കുമാറിനായി ഇയാളുടെ വീടുകളിൽ പോലീസ് റെയ്ഡ് നടത്തി. ആലുവയിലേയും ആറ്റിങ്ങലിലേയും വീടുകളിലാണ് റെയ്ഡ് നടത്തിയത്.
എന്നാൽ രജിതിനെ കണ്ടെത്താനായില്ല. ഇയാൾ ഒളിവിലാണെന്ന് പോലീസ് പറഞ്ഞു. സ്വീകരണവുമായി ബന്ധപ്പെട്ട് 75 പേർക്ക് എതിരേയാണ് പോലീസ് കേസെടുത്തിരിക്കുന്നത്.
